MOP PAPUA

          Yaklep pi di dokter . Baru dokter kas de obat sirup. Dokter de bilang : " Yaklep, obat ni sebelum minum ko kocok dolo e". Yaklep langsung badiri dan bilang : "Dokter ko bicara baik sedikit kah! Tong ada sakit bagini baru ko suruh KOCOK lagi kimay seh!"

SELINGKUH

           Tete selingkuh jadi nene de marah-marah terus. terus nene sms tete de bilang : "buah matoa jatuh di kebaya, su tua baru salak-salak buaya!. Baru tete balas, " keladi tua rasa pepaya, biar su tua tapi sa juga bosan dengan lobang buaya!" nene esmos "Yoooo! lobang buaya itu yang su makan korban jenderal-jenderal termasuk ko pu KOPRAL KECIL itu!!!!"

NYAMUK

        Ada satu anak ni de nama Kanip, de tinggal deng de pu tete di kampung. Baru dong pu rumah tu belum ada listrik kah ni. Terus begini, kan su malam ni, jadi Kanip deng tete kas terang rumah deng pelita saja. Sekarang dong dua su mau tidor, tapi nyamuk tinggal sambar-sambar terus .... NGING...NGINGGG....!! "Kanip de bilang, tete nyamuk banyak sekali ni". Tete jawab : "coba cucu ko kas padam pelita." Jadi Kanip jalan pi kas padam pelita. Kaget begini kunang-kunang masuk. Kanip langsung angkat, "tete, itu apa de tinggal menyala-menyala ?".  Tete ko jawab, "cucu... ko diam! Itu nyamuk ada cari tong dua pake senter......!!!! "